👇👇👇👇👇

按此購票

🐟🔥【秋日限定Capilano峽谷x三文魚】🔥🐟

卑詩省今年迎來近千萬條Sockeye（三文魚紅鮭）大洄游，但親眼感受三文魚逆流而上的震撼唔一定要去到Fraser River 👀～

唔想去太遠就跟街坊會一齊行Cleveland Dam → Second Canyon Viewpoint → Capilano Salmon Hatchey啦！沿途有山有水有大自然，係溫哥華秋日必行路線！

👉 Capilano Salmon Hatchey 每年秋天都有大批 Coho同Chinook 回流，魚群奮力跳上魚梯，畫面超壯觀，近距離見證三文魚奮力回家時刻 🐟🐟🐟。

🍴行完仲有得聚！之後會去於1926年開業＋大溫第一間drive-in restaurant嘅 North Van老字號Tomahawk Restaurant食lunch 🥪🥓，氣氛chill到爆～報名時記得揀埋「午餐參加/唔參加」，方便我哋預早book位！

a. 簡介及路線: 

🥾Capilano峽谷係溫哥華地區四大峽谷之一，擁有壯觀嘅景色，流水喺岩石上奔馳，周圍環繞住茂密嘅雨林。

前往Capilano河區域公園有幾個方法，不過我哋今次會由Capilano路旁邊嘅Cleveland水壩開始行。喺停車場落車之後，可以向水壩方向行，右手邊遠處會望到獅子峰 (The Lions) 同Grouse Mountain。Capilano水庫係溫哥華主要嘅食水來源之一，而水壩北面嘅範圍係唔開放俾公眾進入。如果你聽到水聲，代表水壩開咗，你可以走近少少，由上面望落去睇吓水點樣湧入峽谷。

欣賞完水壩景色之後，我哋繼續行並進入森林，之後亦會去到三文魚孵化場。呢度係一個好機會了解一下當地點樣保育三文魚資源。孵化場內有個解說中心。參觀孵化場係免費嘅。

有興趣嘅朋友之後可以同我哋一齊去呢到食晏晝: https://www.tomahawkrestaurant.com/menu/

路線參考1

⌚ 需時：~ 1.5 - 2.0 小時

📏 路線長度：~4.1km (海拔增高度: 250m)

📶 難度：初級 (beginner)

b. 集合詳情及交通: 

📅 日期：10月4日（星期六）

⏰ 集合時間：10:00am

🚩 集合地點：Cleveland Dam 洗手間外面 Google Map

🚌到達交通: 由北溫 Lonsdale Quay (stop#54134) 坐 Bus #236 去 Cleveland Dam (stop#54371)

🚗泊車: Cleveland Dam 有免費停車位

🚕 Carpool：如果需要，我哋可以幫手盡力安排 carpool，但係未能保證一定安排到

c. 費用: 

👫🏻 會員 - 免費及可以幫一名非會員免費報名 (亦即係會員可以免費報名兩個人包括會員本人)

👥 非會員 - 每位 $5 (支持街坊會運作。退票需要喺10月4號上午九點前，同時街坊會亦會收取$2手續及行政費用。)

**「溫哥華街坊會」係一個非牟利組織，我哋一班義工旨在連結大溫地區以至卑詩省的新舊香港移民，共組更團結互助的港人移民社群，參加會員可以去呢個綱址：https://vankaifong.com/membership/

d. 注意事項/ 事前準備

• 足夠飲用水 約 2-2.5L
• 一些簡便小食 (如Energy Bar 等)
• 自備袋食完小食後帶走啲垃圾
• 防曬用品(包括帽，太陽油)，蚊怕水，個人藥物等
• 公園內可能有野生動物例如郊狼(coyote)等出沒。如果帶同小朋友或小狗，請注意不要讓他們走開。
• 如果落雨，請穿防雨(水)衣服和鞋。
• 注意山上比較涼，最好用洋蔥式穿法 (layering) 。
• 山路比較多泥濘及濕滑，如沒有行山經驗，可預備手杖。

⚠️注意事項：視乎天氣而定 - 請在活動日期和時間前 24 小時檢查你的電子郵件，以確認活動沒有因惡劣天氣（如太大風、太大雨）而取消

⚠️ WAIVER: You, the reader, acknowledge that participation in a hiking activity carries with it inherent risks including, but not limited to, the risk of injury. And you, the reader, freely accept and fully assume all such risk(s). It is the responsibility of each participant of a trip to familiarize themselves with the risks of hiking and other such related activities, to weigh those risks against the advantages, and to decide whether or not to participate. Vancouver Kaifong (Neighbourhood) Association executive, organizers, and members cannot and will not assume liability in respect of any of these risks, dangers, hazards and liabilities. Participants further acknowledge that it is their responsibility to ensure that they carry adequate medical, extended health, dental and accident insurance coverage, as well as protection for personal possessions. It is the participants individual responsibility to verify that they are in good health and are physically capable of carrying out the hiking activity or any activity organized by Vancouver Kaifong (Neighbourhood) Association. Therefore, in consideration of being allowed to participate, individuals release Vancouver Kaifong (Neighbourhood) Association, and its organizers, executive, webmasters, email senders and members from all liability in respect of any personal injury suffered, any damage or loss of personal property, which my arise out of participation in a hiking activity.